Zv.kryeministrja Albana Koçiu ka reaguar pas përplasjes së sotme mes policisë dhe studentëve përballë Ministrisë së Arsimit.
Përmes një statusi në rrjetet sociale, Koçiu e cilëson dhunën në protestë mjaft të rëndë për shoqërinë shqiptare.
Sipas saj, degradimi në dhunë ndaj policisë është i orkestruar dhe i qëllimshëm.
Koçiu thekson se dhuna nuk është dhe nuk do të jetë kurrë zgjidhje.
Postimi i Koçiut:
E trishtë të shohësh se si kultura e protestës degradon në një dhunë të orkestruar dhe, me sa duket, të “provokuar” rëndë nga pllakat e trotuareve.
Dhuna nuk ka qenë, nuk është dhe nuk do të jetë kurrë zgjidhje. Zhurma e gurëve, sulmet ndaj institucioneve dhe Policisë së Shtetit, si dhe shkatërrimi i pakuptimtë i pronës publike, nuk janë gjuha me të cilën i ka hije rinisë të shprehet, por zakoni i vjetër i atyre që i përdorin të rinjtë për të mbuluar paaftësinë e tyre politike.
