Deputeti dhe Kryetari i Partisë “Mundësia”, Agron Shehaj, i ftuar në Log. në News24, pasi propozimi që e gjithë opozita të dalë me një emër të përbaskët dhe jo partiak për kryetar bashkie në Tiranë, nuk ka vetë një emër konkret.
Sipas Shehajt, ka njerëz me integritet dhe figura shumë të nderuara që mund të kandidojnë. Shehaj është I mendimit se fitorja në Tiranë për bashkinë do të ishte një sinjal shumë i fortë në këto momente.
Agron Shehaj: Ka njerëz pa fund që mund të kandidojnë për kryetar bashkie në Tiranë, të aftë, por duhen pyetur se sa dëshirë kanë të hyjnë në politikë. Ka njerëz me integritet që kanë aftësi dhe mund të administrojnë bashkinë e Tiranës.
Kur flas për një kandidaturë jo partiake, me integritet, në një farë mënyre, kryetarët e partive opozitare, çfarë do emri që të kenë pasur në mendje dhe mund të mos jenë dakord, votuesit e tyre të votojnë atë figurë të përbashkët që nxjerrim të gjithë ne forcat opozitare. Nuk është se kam një kandidaturë në mendje, mua më vijnë tani 10 emra, meshkuj dhe femra, por gjithsesi, duhen pyetur sepse janë figura publike. Veten time e përjashtoj se unë jam partiak.
Çfarë përfitimi ka opozita? Fitohet bashkia më e madhe në vend dhe mund të jetë një shembull për bashkitë e tjera.”
