Këngëtari 2Ton është një emër mjaftë i dashur për publikun shqiptar.
Ai ka folur ekskluzivisht për Indeksonline për sezonin e verës, duke zbuluar detaje që fansat nuk i kanë parë pas skenave. Krijuesi i shumë hiteve ka pasur një verë të ngarkuar me shumë koncerte në Kosovë, Shqipëri dhe Maqedoni, duke përjetuar emocione të forta dhe momente të veçanta gjatë performancave.
Një nga koncertet më intensive ishte kur ai kishte dy koncerte brenda një nate gjatë gushtit.
Pavarësisht vështirësive për t’iu përshtatur orarit, 2Ton arriti të performojë në të dyja koncertet, duke treguar profesionalizëm dhe përkushtim të madh.
“Një nga momentet më të veçanta ishte kur kishte dy koncerte brenda natës gjatë gushtit. Ai tregon se përfundoi koncertin e parë dhe, edhe pse me vështirësi, arriti të performojë në të dytin në kohë: “Më dha stres, sepse preferoj të jem gjithmonë i saktë në çdo koncert që kam,” tha këngëtari.
Sa i përket këngëve, ai tregon se publiku ka kënduar çdo këngë me shumë pasion, duke e bërë secilën performancë të veçantë.
“Këtë verë të gjitha këngët që ka performuar janë pritur me shumë dashuri dhe nuk mund të veçojë asnjërën: “Secila është ekstra për mua,” shtoi ai.
Për sezonin e ardhshëm, 2Ton ka në plan projekte të reja muzikore dhe bashkëpunime, të cilat do të publikohen shumë shpejt.
Ai falendëron fansat për mbështjetje duke premtuar që gjërat e mira po vijnë së shpejti.
