Presidenti i Republikës, Bajram Begaj, ka dekretuar shkarkimin e Besfort Lamallarit nga detyra e Ministrit të Punëve të Brendshme dhe emërimin e Ervin Demos në këtë detyrë.
Vendimi vjen pas ndryshimeve të njoftuara në qeveri, ku përgjegjësitë për Pushtetin Vendor integrohen në Ministrinë e Punëve të Brendshme. Ervin Demo, i cili deri tani drejtonte Ministrinë e Shtetit për Pushtetin Vendor, merr kështu drejtimin e Ministrisë së Brendshme.
Lamallari, i cili kishte drejtuar Ministrinë e Brendshme që nga fillimi i vitit 2026, do të vijojë angazhimin e tij në ekipin e Kryeministrit Edi Rama.
Ervin Demo ka shërbyer më herët si kryetar i Bashkisë Berat, ndërsa nga shtatori 2025 mbante postin e Ministrit të Shtetit për Pushtetin Vendor.
Ndryshimi i fundit në drejtimin e Ministrisë së Brendshme formalizon kalimin e detyrës nga Besfort Lamallari te Ervin Demo.
