Një 18-vjeçare shtetase britanike është duke luftuar për jetën, pas një aksidenti që pësoi në Shqipëri.
Janë famiiljarët e adoleshentes, Pamela Mema të cilat kanë treguar se vajza kishte mbërritur në Shqipëri për të festuar 24-vjetorin e motrës së saj, por fatkeqësisht, në fshatin Belsh më 22 nëntor ajo u përfshi në një aksident ku mbeti e plagosur rëndë.
Familja e saj ka hapur një llogari në GoFundMe dhe kërkon ndihmë për ta rikthyer në Londër, për trajtim.
“Tani duhet urgjentisht ta kthejmë Pamelën në shtëpi në Londër, në mënyrë që ajo të marrë kujdesin më të mirë mjekësor që i nevojitet me mjekët që kemi besim,” – thotë familja, e cila kërkon që ajo të transportohet me një ambulancë ajrore.
Deri tani janë mbledhur 75 mijë sterlina nga 100 mijë që nevojiten.
Eshli Haxhiasllani, e cila organizoi mbledhjen e fondeve, shkroi: “Më 22 nëntor 2024, bukuroshja, inteligjente dhe e fortë Pamela Mema u aksidentua me makinë në fshatin Belsh të Shqipërisë, rrugës për të festuar 24-vjetorin e motrave të saj. Që prej datës 22 Pamela ka luftuar për jetën e saj në spitalet e Shqipërisë.”
