Një zjarr ka përfshirë aeroplanin e linjës ruse “Azimut Airlines”, i cili u ul në Antalia të Turqisë, në kushte të pafavorshme atmosferike. Siç raportohet zjarri u shfaq në motor dhe të gjithë 89 pasagjerët janë evakuuar shëndoshë e mirë.
Gjithashtu zjarrfikësit kanë ndërhyrë menjëherë, dhe pista është mbyllur përkohësisht, ndaj avionët janë devijuar drejt aeroporteve të tjera. Fatmirësisht nuk raportohet për persona të lënduar, ndërsa avioni po fluturonte në linjën Soçi-Antalia. Zjarri filloi kur motori ra në kontakt me pistën.
