Partia Demokratike do të zhvillojë më 1 korrik mbledhjen konstituive të Këshillit Kombëtar, ku pritet të zgjidhet drejtimi i ri i këtij organi, si edhe Kryesia e re e partisë.
Sipas njoftimit të selisë blu, mbledhja do të mbahet të mërkurën, më 1 korrik, në orën 18:00.
Në rendin e ditës janë parashikuar:
Zgjedhja e kryetarit ose kryetares së Këshillit Kombëtar;
Zgjedhja e Kryesisë së Partisë Demokratike;
Të tjera.
Në njoftimin drejtuar anëtarëve të sapozgjedhur të Këshillit Kombëtar, drejtuesit e PD-së i urojnë ata për zgjedhjen në institucionin më të lartë drejtues të partisë dhe i ftojnë të marrin pjesë në mbledhjen konstituive, ku do të merren vendimet e para për strukturat drejtuese të mandatit të ri.
