Klaus Schwab, themeluesi i Forumit Ekonomik Botëror, ka dhënë dorëheqjen nga posti i kryetarit të administratorëve të tij.
I shndërruar në simbol globalizmit, ai themeloi mbledhjen vjetore të liderëve të biznesit dhe politikës në vendpushimin malor zviceran të Davosit.
Forumi Ekonomik Botëror me seli në Gjenevë bëri njoftimin të hënën, pasi zbuloi në fillim të këtij muaji se 87-vjeçari Schwab, i cili për dekada ka qenë fytyra e takimit të Davosit, do të jepte dorëheqjen, pa dhënë një afat kohor të saktë.
“Pas njoftimit tim të fundit, dhe ndërsa hyj në vitin tim të 88-të, kam vendosur të jap dorëheqjen nga pozicioni i Kryetarit dhe si anëtar i Bordit të Administratorëve, me efekt të menjëhershëm”, tha Schwab në një deklaratë të lëshuar nga FEB.
Forumi nuk dha arsye pse ai po jepte dorëheqjen.
Bordi i FEB tha në deklaratë se kishte pranuar dorëheqjen e Schwab në një takim të jashtëzakonshëm më 20 prill, me Zëvendëskryetarin Peter Brabeck-Letmathe që shërbeu si kryetar i përkohshëm ndërsa filloi procedura për një kryetar të ri.
Schwab, i lindur në Gjermani, themeloi WEF në vitin 1971 me qëllim krijimin e një forumi për politikëbërësit dhe drejtuesit e lartë të korporatave për të trajtuar çështje të mëdha globale.
