Papa Leo XIV tha të dielën se lajme thellësisht shqetësuese vazhdojnë të vijnë nga Irani dhe nga e gjithë Lindja e Mesme, duke kërkuar ndërprerjen e dhunës dhe përpjekje të përtërira për të hapur hapësirë për dialog.
Ndërsa luftimet u përshkallëzuan në ditën e nëntë të sulmit amerikano-izraelit ndaj Iranit, Papa paralajmëroi se konflikti po nxiste frikën dhe urrejtjen dhe ngriti shqetësime se mund të përhapej më tej.
“Krahas episodeve të dhunës dhe shkatërrimit dhe klimës së përhapur të urrejtjes dhe frikës, ekziston gjithashtu shqetësimi në rritje se konflikti mund të përhapet dhe se vendet e tjera në rajon, përfshirë Libanin, mund të zhyten përsëri në paqëndrueshmëri”, tha Leo në lutjen Angelus në Sheshin e Shën Pjetrit.
“Le t’i drejtojmë lutjen tonë të përulur Zotit që gjëmimi i bombave të pushojë, që armët të heshtin dhe që të hapet hapësira për dialog, në të cilin të dëgjohen zërat e popujve”, shtoi ai.
Diplomati më i lartë i Vatikanit paralajmëroi të mërkurën se sulmet amerikane-izraelite minuan të drejtën ndërkombëtare dhe tha se kombet nuk kishin të drejtë të nisnin “luftëra parandaluese”, një kritikë jashtëzakonisht e drejtpërdrejtë ndaj fushatës ushtarake.
