Forcat Ajrore të Pakistanit kanë rrëzuar pesë avionë luftarakë të Forcave Ajrore Indiane pas një vale sulmesh me raketa nga India, bëri të ditur shefi i mbrojtjes i Pakistanit, në orët e para të mëngjesit.
“Forcat Ajrore të Pakistanit kanë rrëzuar të paktën pesë avionë luftarakë indianë në përgjigje të agresionit të fundit ndërkufitar të Indisë”, konfirmoi Ministri i Mbrojtjes Khaëaja Asif për transmetuesin privat Geo TV.
Më herët, zëdhënësi i ushtrisë pakistaneze, gjeneralleitënant Ahmed Sharif Chaudhry, kishte konfirmuar rrëzimin e dy avionëve indianë, sipas burimeve të CNN.
“Ka raportime të tjera për dëme të shumta që forcat pakistaneze, si në tokë ashtu edhe në ajër, kanë shkaktuar. Por mund t’ju konfirmoj se të paktën dy avionë të Forcave Ajrore Indiane janë rrëzuar”, shtoi Chaudhry.
Autoritetet indiane nuk kanë reaguar ende ndaj raportimeve të mediave shtetërore pakistaneze në lidhje me këtë incident.
