Sot në Kuvendin e Shqipërisë do të votohet ligji për rritjen e pagave të magjistratëve.
Gazment Bardhi, në emër të Partisë Demokratike ka kërkuar që votimi i këtij ligji të shtyhet dhe të kalojë në proces konsultimi më të gjerë.
“Sot Kuvendi ka një temë të rëndësishme sicc është statusi i magjistratëve. Është ccështje e mbartur prej 7 vitesh. Ka 3 vendime të GJK. Është fakt që procesi i konsultimit me magjistratët nuk ka qenë efektiv. Gjatë kohës kur diskutonim në komisionet parlamentare, ne na kanë ardhur opinione të shoqatave të sistenmit të drejtësië.
Drejtuesit e organeve të drejtësisë janë thirrur për 30 minuta për tu dëgjuar. Kuvendin e vë në përgjegjësi për ta tërhequr nga rendi i ditës, sepse shkel kushtetutën. Të marrim kohën e nevojshme për ti diskutuar me magjistarët. Është e papranueshme që magjistratët të jenë nën presion nga mazhoranca. Nëse ne i mbajmë të pasigurt, është e pamundur që ti shërbejnë republikës. Propozoj të hiqet nga rendi i ditës, të kaloj projektligji në opinion më të gjerë”, tha Bardhi.
Por kjo kërkesë është kundërshtuar nga shumica qeverisëse. Taulant Balla në emër të Partisë Socialiste, Balla tregoi arsyen pse vota e tyre është kundër.
“Që prej vitit 1998 e më këndej ka një procedurë që ndjek për vendimet e GJK. Këshilli i Legjislacionit e ka përfunduar. Më vjen mirë të dëgjoj që PD del në mbrojtje të gjyqtarëve dhe prokurorëve. Është lajm i mirë sepse tregon reflektim për sharjet që kemi dëgjuar. Sot do e votojmë këtë projektligj. Vota jonë ndaj kërkesës së PD është kundër sepse është hipokrite. Na thanë që jemi të vonuar dhe kur e sjellim për votë thonë ta shtyjnë”, tha Balla.
Pas kësaj, kërkesa e Bardhit u hodh në votim, ku me 79 vota kundër dhe 36 pro, kërkesa e Partisë Demokratike u rrëzua dhe ligji për pagat e magjistratëve do të votohet në seancën e kësaj të enjteje.
