Pasi Gjykata Supreme në SHBA miratoi ligjin për mbylljen e platformës kineze Tik Tok në territorin Amerikan duke nisur që nga 19 janari, Kevin O’Lary, investitori i mirënjohur amerikan është ofruar ta blejë.
CNN shkruan se Kevin O’Lary i kishte ofruar kompanisë Kineze “Byte Dance” që zotëron Tik Tok 20 miliardë dollarë në mënyrë që të blinte aksionet dhe serverat e platformës në Shtetet e Bashkuara.
Kompania Byte Dance e ka bërë të qartë disa herë se ajo nuk do të shese aksionet e saj ne Shtetet e Bashkuara megjithate O’Leary u shpreh se tani më gjithçka është në dorë të kësaj Kompania dhe të Joe Biden që të shtyjë afatin e mbylljes së platformës në SHBA me 90 ditë pasi ka një blerës potencial.
“Presidenti Amerikan Joe Biden ka të drejtë të na jap një afat prej 90 ditësh për të arritur një marrëveshje për blerjen e aksioneve. Të gjitha kompanitë e mia kanë 60% të shpenzimeve të tyre dixhitale I kanë në tik Tok. Mbi 500 mijë familje amerikane sigurojnë jetën përmes kësaj platforme. Une kam bërë ofertën time prej 20 miliardë dollarësh, kaq mendoj se vlen, por ne nuk kemi pare ende asetet. Topi tashmë për orët në vijim është në fushën e Kinës.”- u shpreh ai.
Sipas këtij ligji të miratuar nga Gjykata Supreme, e vetmja mënyrë që Tik Tok mund të operojë në Shtetet Bashkuara të Amerikës pas 19 janarit do të ishte shitja e aksioneve apo e thënë ndryshe e serverave amerikan.
Por sipas ligjeve të Kinës, një kompani e cila ka prodhuar një softëea në këtë vend nuk mund ta shesë kompaninë kurrë ndaj një vendi tjetër, por mund të shesë vetëm aksionet e caktuara të një shteti. Ligji i miratuar vitin e shkuar me mbështetjen e Demokratëve dhe Republikanëve e përcaktonte Tik Tok një rrezik për sigurinë Kombëtare pasi sipas Ëashingtonit, Pekini po vjedh të dhënat e amerikanëve nëpërmjet këtij aplikacioni.
