Një kampionat i veçantë është duke u zhvilluar gjatë ditëve të fundit në qytetin e Gjirokastrës, ç’ka po shërben dhe për një promovim ndërkombëtar të qytetit të njohur për karakteristikat e tij si shtëpitë prej guri.
Bëhet fjalë për Kampionatin Evropian të Parashutizmit. Ky kampionat ka nisur në datën 4 tetor dhe do të vazhdojë për 8 ditë, deri në datën 12 tetor. Në këtë kampionat po garojnë 100 sportistë nga 20 vende të ndryshme të Evropës.
Teksa kanë folur për mediat, disa prej garuesvë janë shprehur të kënaqur për organizimin e këtij eventi.
Aktiviteti sportive është duke u zhvilluar në aerodronin e Gjirokastrës, teksa garuesit deri më tani janë marrë me prova të vazhdueshme për t’u përgatitur që në finale të japin më të mirën e tyre.
Mbetet për t’u parë se kush do ta fitojë këtë garë mjaft të bukur që po zhvillohet në Shqipëri.
