Eksperti i Aviacioni Feliks Baçi ishte këtë mbrëmje i ftuar në Top Story për të folur në lidhje me tragjedinë që ndodhi këtë të enjte në aksidentin ajror në Indi.
Si ekspert ai foli për disa nga problematikat që mund të çojnë në anomali apo dështim të fluturimit dhe avionit, deri dhe në shkaktim tragjedia.
Në lidhje me rastin konkret ai tha se ai lloj avioni është një nga më luksozët dhe më të rëndët, pesha e tij shkon deri në 220 ton, dhe se ai aksident nuk duhej të kishte ndodhur, aq më pak në aq pak minuta ngritjeje nga aeroporti.
“Në momentin që flasim të gjitha janë hipoteza dhe specialistët nga fabrika e prodhimit të avionëve apo institucioni të tjera do të hetojnë. Ky top avioni është një nga avionët më luksoz, 220-250 mln dollarë mund të shkojë.
Ky është një nga avionët më të rëndë, 220 ton, prodhim modern nga teknologjia dhe për herë të parë është futur integrimi i pjesëve me fibra metalike që ta bëjë sa më të lehtë dhe të mbajë sa më shumë.
Fakti që mban sa më shumë, supozim është ky, lejon që të marrësh dhe bagazh dore. Në rast se dikush abuzon me tejkalimin e masës së bagazhit, gjithë ngarkesa shpërndahet në mënyrë të kalkuluar mirë, dhe pilotit i dalin të gjitha këto. Po marrim rastin që ka një tejkalim të peshës, është shumë strikt piloti në shpërndarjen e peshës.
Duke qenë se është temperatura e lartë parametrat e motorit ndryshojnë dhe ka një procedurë piloti në të tilla raste. Të gjitha janë protokoll.
Mund të ketë dhe sabotazh, mund të jetë pjesëmarrës dhe një nga pilotët, këto janë supozime dhe do hetohen.
Ky aksident fillimisht duket si përplasje treni jo avion, se u ngrit 10 metra dhe ra, se mund të kishte tokë dhe të vazhdonte. Është shumë e rëndësishme posë ndodhi dhe nuk duhej të ndodhte pa kaluar një kohë”, tha ai.
