Sot vendi ynë do të ndikohet nga kushte atmosferike përgjithësisht të qëndrueshme. Sipas Shërbimit Meteorologjik Ushtarak, priten kthjellime dhe vranësira të pakta deri mesatare, të cilat do të jenë më të dukshme përgjatë zonave malore. Në lindje dhe në relievet e larta mund të ketë reshje të dobëta shiu.
Era do të fryjë me drejtim verilindje–veri dhe me shpejtësi mesatare rreth 10 m/s, ndërsa në zonat bregdetare dhe lugina do të arrijë deri në 20 m/s. Valëzimi në det pritet të jetë mesatar, me forcë 3–4 ballë.
Temperaturat do të variojnë nga 7°C vlera minimale deri në 19°C maksimalja në orët e mesditës.
