Monika Kryemadhi ka bërë një deklaratë të drejtpërdrejtë lidhur me një nga çiftet më të komentuara të Big Brother VIP Albania. E ftuar në emisionin Andale, Kryemadhi foli për eksperiencën e saj si analiste në edicionin e pestë të BBVIP, ku komentoi marrëdhëniet e krijuara brenda shtëpisë më të famshme në Shqipëri.
Gjatë intervistës, ajo u pyet se cili çift mendon se nuk do t’i rezistojë kohës pas përfundimit të formatit. Pa hezitim, Monika përmendi Mateo dhe Brikena, duke deklaruar: “Mateo dhe Brikena do të ndahen”. Sipas saj, marrëdhënia mes tyre ka qenë më shumë pjesë e lojës sesa një lidhje e ndërtuar mbi ndjenja të forta reale. Kryemadhi u shpreh se ka qenë skeptike që në fillim për sinqeritetin e raportit, duke lënë të kuptohet se dinamika e reality show-t ka ndikuar shumë në afrimin e tyre.
Ajo shtoi gjithashtu se Brikena i është dukur më e përfshirë emocionalisht në këtë marrëdhënie, ndërsa Mateo, sipas saj, nuk ka reflektuar të njëjtin intensitet ndjenjash. Deklarata e saj ka ndezur menjëherë debat në rrjetet sociale, ku ndjekësit e BBVIP po diskutojnë nëse çiftet e krijuara në reality show arrijnë vërtet të mbijetojnë edhe jashtë kamerave.
