Modelja japoneze Aoi Fujino, e njohur për përfshirjen e saj në listën e 100 personazheve më seksi në botë, ka ndërruar jetë në moshën 27-vjeçare, më 5 janar, pas një beteje të gjatë me rabdomiosarkomën, siç bëri të ditur familja e saj.
Diagnostikuar me këtë tumor kanceror tre vjet më parë, Fujino ishte detyruar të ndërpriste karrierën e saj për të përqendruar energjitë në trajtim.
Gjendja e saj shëndetësore u përmirësua pak, duke u rikthyer në xhirime në gusht të vitit 2024, por pas gjashtë muajsh, ajo u tërhoq përsëri për shkak të një përkeqësimi.
Pak ditë para humbjes së saj, më 31 dhjetor, Aoi kujtoi ndjekësit e saj në Instagram me një mesazh emocionues: “Ky është mesazhi im i fundit për të gjithë fansat e Aoi Fujino. Ju desha vërtet. Faleminderit shumë për gjithçka që keni bërë deri më tani. Ju lutem më kujtoni herë pas here.”
Kjo shprehje e ndjenjave dhe dashurisë për fansat e saj është një dëshmi e lidhjes së fortë që ajo kishte me ta.
Familja e saj ndau gjithashtu mirënjohjen për ata që e mbështetën gjatë betejës së saj me sëmundjen, duke theksuar se ata ishin një burim fuqie dhe ngushëllimi për të gjatë gjithë kësaj periudhe të vështirë.
Rabdomiosarkoma, sëmundja që e preku Aoin, është një tumor kanceroz që zhvillohet në muskujt e lidhur me kockat. Ajo shfaqet më shpesh në zonat e kokës dhe qafës, organet urinare dhe gjenitale, si dhe në krahë dhe këmbë.
Kjo sëmundje është më e zakonshme tek fëmijët, por mund të ndodhë edhe tek të rriturit. Ekzistojnë dy forma kryesore: rabdomiosarkoma embrionale dhe alveolare, dhe trajtimi përfshin kirurgji, kimioterapi dhe rrezatim, varësisht nga rasti.
Vdekja e Aoi Fujino i la pas një boshllëk të madh në industrinë e modës, duke e bërë atë një simbol të forcës dhe qëndresës në mes të sfidave shëndetësore.
