Pas përfundimit të nënshkrimit të Kyle Walker, Milani është gati të përshpejtojë kërkimin për një sulmues të ri për t’u shtuar në skuadrën e Sergio Conceiçao. Pas flirtimit me Marcus Rashford ditët e fundit, tashmë të gjithë radarët janë drejtuar drejt Holandës, më saktë drejt Roterdamit.
Fitorja 3-0 e Feyenoord ndaj Bayern Munich në ndeshjen e tyre të fundit në Ligën e Kampionëve ka eliminuar çdo dyshim të mbetur për Santiago Gimenez, qendërsulmuesin e lindur në Argjentinë, por me kombësi meksikane.
Sipas Sky Sport, kontaktet e fundit me agjentin e lojtarit të lindur në vitin 2001 kanë çuar në një marrëveshje bazë me lojtarin në lidhje me një kontratë të mundshme me kuqezinjtë. Në këto muaj të parë të sezonit, Gimenez ka bërë gjithsej 18 paraqitje në të gjitha garat me 15 gola dhe 3 asistime.
Problem mbetet marrëveshja me Feyenoord, i cili zotëron kontratën e tij: holandezët nuk kanë ndërmend ta shesin dhe vetë lojtari, kundër Bayern Munichut, e bëri të qartë se ishte i lumtur të qëndronte.
Një ofertë e rëndësishme, 35-40 milionë euro, megjithatë mund të ndryshojë kartat në tavolinë dhe të hapë derën e lamtumirës së tij në Eredivisie tashmë në këtë dritare transferimi.
