Mereme Sela të cilës iu raportohet se iu pranua aplikimi për të kandiduar në garën për kryetarin e PD-së në zgjedhjet e 23 majit, ka habitur jo pak me deklaratat e lëshuara.
Teksa ishte e ftuar në “Report TV”, mjekja që sfidon doktor Berishën, tha se nëse fiton zgjedhjet në PD dhe më pas nëse zgjidhet kryeministre, Berishën nuk do ta emëronte në asnjë post ministror në kabinetin e saj.
Ajo tha se me gjithë respektin që ka për doktorin, është e prirur për t’i dhënë hapësirë figurave të reja.
Pjesë nga biseda në studio:
Kreshnik Spahiu: A do e bënit Sali Berishën ministër apo zv.ministër nëse bëheni kryeministre?
Mereme Sela: Nëse do bëhem kryetare e PD-së, patjetër i takon të jem edhe kryeministrja. Mendoj se do të jetë risi edhe për Shqipërinë. Por ministra e deputetë, po flasim për frymë të re.
Kreshnik Spahiu: Kështu që më mirë djem dhe vajza të reja në vend të Berishës?
Mereme Sela: Patjetër që figura të reja, me gjithë respektin për doktorin, për profesorin.
Kreshnik Spahiu: Kështu që më mirë nivel zv.ministri apo drejtori, që mos të mbëtet pa gjë.
