Marjana Koçeku apo “Meomalësorja” ka dhënë një tjetër mesazh simbolik një ditë pasi deklaroi se do të ishte deputete e pavarur dhe jo më pjesë e grupit parlamentar socialist.
Në një postim në rrjetet sociale, Koçeku shkruan:
“Zot, më jep forcë, besim të drejtë e shpresë të sigurtë. Mos na e kurse si popull frymën e urtësisë dhe të kuptimësisë, që kurrë mos të largohemi drejt rrugëve të humbura.”
Më herët gjatë ditës, Koçeku postoi simbolin e protestës, flamingon, çka shpjegon edhe plotësisht pse ajo u largua nga grupi i PS-së në Kuvend, duke u deklaruar deputete e pavarur.
Koçeku, kryesuese e listës së PS në Shkodër në zgjedhjet e vjetshme, plasi dje lajmin bombë të largimit nga Edi Rama gjatë protestës së djeshme.
Dorëheqja e saj shkaktoi entuziazëm në protestë, por edhe një furtunë akuzash nga strukturat socialiste në rrjete sociale.
