Tashmë është edhe zyrare, Juventus ka shkarkuar përfundimisht Thiago Motta-n dhe ka emëruar deri në fund të sezonit kroatin Igor Tudor, ish-lojtar i bardhezinjve dhe tashmë trajner ku ka drejtuar disa ekipe.
“La Gazzetta dello Sport” raporton se ka pasur një bisedë të fundit mes Cristiano Giuntoli dhe Thiago Motta-s, ku drejtori sportiv i Juventusit mësohet t’i ketë thënë atij “Më vjen turp që të zgjodha ty”.
Cristiano Giuntoli ka qenë një nga njerëzit që e ka mbështetur më së shumti Motta-n, por mesa duket tashmë nuk kishte ç’të bënte më duke parë rezultatet e dobta dhe i ka komunikuar atij vendimin për shkarkimin e menjëhershëm.
Mediat italiane raportojnë se Motta është lajmëruar me telefon për shkarkimin sot pasdite, pasi trajneri gjendet në Portugali me pushime me familjen e tij.
