Më pak se një orë ka zgjatur protesta e PD kundër mbylljes së TikTok para kryeministrisë mbrëmjen e sotme.
Ndryshe nga herët e tjera në këtë protestë ata që mbajtën fjalët ishin të rinjjtë, ndërsa asnjë nga figurat politikë nuk foli në podium.
Pas mbylljes së protestës kreu i PD, Sali Berisha, tha se të rinjtë i dhanë një mesazh të fortë kryeminsitrit Edi rama duke e shpallur atë armik të fjalës së lirë.
Berisha: Ishte një manifestim i jashtëzakonshëm i vajzave dhe djemve të rinj kundër censurës për lirinë e fjalës dhe të mendimit. Ju i dëgjuat fjalët e tyre, fjalë që buronin nga shpirti i tyre i lirë, që buronin nga zemra te tyre rinore.
Edi Rama sot mori ndëshkimin përfundimtar. Sot u damkos si një armik i egër jo vetëm i TikTokut, por një armik i egër i lirisë, armik i egër i të rinjve shqiptarë.
U damkos përfundimisht si biri i të atit, i cili 37 vite më parë urdhëronte varjen në litar të poetit Havzi Nela. Pra, Edi Rama sot mori ndëshkimin më të madh, më të merituar.
Ia thanë të gjitha të rinjtë. Kurrë nuk kam dëgjuar fjalime kaq të bukura, fjalimeve kaq kuptim të thellë, fjalime me kaq pasion sa dëgjova sot në këtë shesh. Ishte dita e tyre, ishte fjala e tyre dhe unë u mrekullova nga fjalët që mbajtën.
