Sulmuesi i Real Madridit, Kylian Mbappé, vazhdon të shkruajë histori në kampionatin spanjoll. Në ndeshjen e javës së 20-të të LaLiga-s ndaj Levantes, francezi zhbllokoi rezultatin në minutën e 58-të duke realizuar me një penallti.
Ky gol ishte i 50-ti i Mbappé në LaLiga. Sipas të dhënave të Opta, sulmuesit i janë dashur vetëm 53 ndeshje për të arritur këtë shifër, duke u bërë lojtari i dytë në shekullin XXI që shënon 50 gola në më pak paraqitje.
Më shpejt se ai ia ka dalë vetëm Cristiano Ronaldo, i cili e arriti kuotën e 50 golave në 51 ndeshje në vitin 2011.
