Lajm shumë i keq për Uruguain dhe Manchester United. Manuel Ugarte ka pësuar një dëmtim serioz në gjurin e majtë gjatë ndeshjes së Kupës së Botës ndaj Spanjës, duke u detyruar të largohet nga fusha me barelë.
Sipas Physio Scout, mënyra si ndodhi dëmtimi krijon dyshime të forta për këputje të ligamentit të kryqëzuar anterior, e njohur si ACL. Nuk përjashtohet as mundësia e dëmtimit të meniskut, çka do ta bënte rikuperimin edhe më të gjatë.
Në momentin e dëmtimit është vënë re edhe një lëvizje e pazakontë në pjesën e pulpës, që sipas raportimeve përforcon frikën për një dëmtim të rëndë të indeve.
Raportimet bëjnë me dije se mesfushorit uruguaian mund t’i duhen nga 9 deri në 12 muaj për t’u rikuperuar plotësisht. Kjo do të ishte një mungesë e madhe si për kombëtaren e Uruguait, ashtu edhe për Manchester United.
Ugarte ka zhvilluar 24 ndeshje me “Djajtë e Kuq” këtë sezon, pa arritur të shënojë apo të japë asist.
