Një punonjës i një servisi makinash në qytetin e Pukës ka mbetur i lënduar, teksa ka qenë duke salduar një automjet tip ‘Skoda’ e cila është në pronësi të shtetasit E. A.
Sipas informacioneve paraprake, ngjarja ka ndodhur rreth orës 19:00, teksa shtetasi Sh. G., ishte duke salduar. Fatmirësisht punonjësi i servisit është jashtë rrezikut për jetën.
Njoftimi i Policisë:
Pukë/Informacion paraprak
Rreth orës 19:00, në qytetin e Pukës, në një servis makinash, gjatë punës si pasojë e saldimit në automjetin tip “Skoda”, në pronësi të shtetasit E. A, është shkaktuar zjarr.
Si pasojë është dëmtuar automjeti si dhe ka marrë disa dëmtime të lehta jashtë rrezikut për jetën punonjësi që kryente saldimin e automjetit, shtetasi Sh.G.
Grupi hetimor vijon punën për sqarimin e rrethanave të rastit.
