Presidenti francez, Emmanuel Macron, tha se të mërkurën ka folur me kryeministrin izraelit, Benjamin Netanyahu, si dhe me presidentin libanez, Joseph Aoun, dhe kryeministrin , Naëaf Salam, për të diskutuar situatën në Liban.
Në një deklaratë të bërë, Macron tha se strategjia e përshkallëzimit të konfliktit rrezikon të gjithë rajonin. Më tej, presidenti francez u shpreh se e rëndësishme është që palët të rikthehen te armëpushimi.
“Unë riafirmova nevojën që Hezbollahu të ndërpresë menjëherë sulmet e tij kundër Izraelit dhe më gjerë. Kjo strategji e përshkallëzimit përbën një gabim të madh që rrezikon të gjithë rajonin. Në mënyrë të ngjashme, i bëra thirrje kryeministrit izraelit që të ruajë integritetin territorial të Libanit dhe të përmbahet nga një ofensivë tokësore. Është e rëndësishme që palët të rikthehen te marrëveshja e armëpushimit”, tha Macron.
