Kryedemokrati Sali Berisha mbajti fjalën e tij sot gjatë një takimi me krerët e degëve të partisë në selinë blu.
Berisha theksoi se pas largimit të Ballukut nga qeveria ndodhi “Lubizim i plotë i narko-qeverisë”. Sipas tij, Rama ka vendosur në poste qeveritare dhe institucionale shërbëtorë të Ballukut, duke sfiduar kështu edhe ndërkombëtarët.
“Kjo është vlerësimi që ka PD për vendimin që mori Edi Rama për të mbrojtur Lubi Ballukun dhe siç theksova pas këtij vendimi ndodhi Lubizimi i plotë i drejtimit i qeverisë, narko qeverisë dhe institucioneve të tjera. Do ishte naivitet i pafalshëm se nuk është më Lubia. E vërteta duhet të jetë e qartë, se jo vetëm që është por është shumëfishuar, se është Edi Rama që vendosi në poste shërbëtorë të Lubisë. Edi Rama nga ana tjetër me këtë rast, nuk sfidoi vetëm Kushtetutën e Shqipërisë, ligjet e tjera të vendit, protestat e opozitës, por ai sfidoi haptazi edhe partnerë tanë ndërkombëtarë. Me deklarata publike i bën të qartë se bllokimi i funksionit të prokurorisë janë të papajtueshme me standardet e BE-së. Një njeri që ka lëkurën e vet në rrezik nuk njeh ligj standard. Edi Rama po shtrëngon pas mbrojtjes së Lubisë, bota e krimit është më e aktivizuar se kurrë. Çdo njeri duhet të pyesë veten, cila është alternativa e opozitës. Vetëm sulmi ndaj kësaj qeverie. Edhe një herë, koka e shtrirë vetëm pritet. Ta ketë të qartë çdo qytetarë. Ne nuk do e shtrijmë kokën kurrë, do ngrihemi gjer në largimin e tij. Katastrofë kombëtare sikur të pranonim këtë akt të paprecedent të Edi Ramës.”- tha Berisha.
