Lamine Yamal ka folur hapur për Topin e Artë në prag të debutimit të Barcelonës në Champions League ndaj Feyenoord. 19-vjeçari beson se sezoni i tij me klubin dhe kombëtaren i jep mundësi reale për ta fituar çmimin.
“Puna që kemi bërë me skuadrën dhe kombëtaren ka qenë e jashtëzakonshme. Mendoj se kam shumë mundësi sepse kam zhvilluar një vit shumë të mirë, por do të shohim”, deklaroi ylli i Barcelonës.
I pyetur nëse do të bënte fushatë për Topin e Artë, Lamine ishte i qartë: “Nuk mendoj se kam nevojë të bëj fushatë. Jam krenar për atë që kam bërë me klubin dhe kombëtaren. Nuk do t’i lutem askujt për asgjë.”
Talenti spanjoll foli edhe për Champions League, duke pranuar se është kompeticioni që të gjithë te Barcelona e kanë në mendje. Ai theksoi gjithashtu se për të fituar trofe duhet të kontribuojnë të gjithë edhe në presing: “Nëse nuk vrapon, çdo skuadër mund të të mundë. Nëse duam të fitojmë, duhet të vrapojmë.”
Lamine komentoi edhe ankesat e Real Madridit për arbitrimin: “Nëse nuk kanë fituar prej dy vitesh, është problemi i tyre. Ne jemi të kënaqur me arbitrimin.”
