WhatsApp po përgatitet të sjellë një ndryshim të ri, që do të tregojë kur dikush ka bërë “screenshot” të një mesazhi të dërguar. Ky është një lajm që po përhapet në internet dhe thuhet se do të jetë funksioni i ardhshëm i aplikacionit, përmes një përditësimi të ri nga kompania “Meta”.
Lajmi ka filluar të përhapet në rrjetet sociale dhe është konfirmuar nga disa faqe të specializuara, por realiteti është krejt ndryshe. Ky është thjesht një informacion mashtrues që qarkullon prej vitesh dhe që herë pas here bëhet viral.
Hera e fundit kur u diskutua kjo ide ishte në vitin 2021 në Twitter, kur thuhej se do të shtohej një shenjë e tretë, e cila do të bëhej blu kur dikush të bënte screenshot të një ekrani. Ky ndryshim, sipas spekulimeve, do të shërbente për të mbrojtur privatësinë e përdoruesve, por gjithashtu do të shqetësonte ata që përdorin “screenshot” për të ruajtur biseda dhe përmbajtje pa dijeninë e personave të tjerë.
Aktualisht, WhatsApp ka vetëm dy shenja kontrolli: e para është gri dhe tregon kur është dërguar një mesazh, ndërsa e dyta bëhet blu vetëm kur ai mesazh është parë nga marrësi.
