Javën e kaluar, Uzbekistani arriti një moment historik duke u kualifikuar për herë të parë në historinë e tij në Kupën e Botës. Lojtarët që bënë të mundur këtë arritje të madhe u shpallën heronj kombëtarë.
Vetëm pesë ditë pas këtij suksesi, pas përfundimit të ndeshjes së fundit kualifikuese kundër Katarit, ata u nderuan me njohje shtetërore dhe u shpërblyen me makina të reja.
Automjetet e markës BYD ishin rreshtuar në fushë, ku secilit futbollist iu dorëzua makina e tij dhe një pllakë përkujtimore nga presidenti i Uzbekistanit, Shavkat Mirziyoyev.
