Ditën e djeshme, qindra persona janë paraqitur në urgjencën e Tetovës për ndihmë mjekësore, pas konsumimit të tepërt të ëmbëlsirave dhe ushqimeve të rënda gjatë festës së Bajramit.
Sipas mediave maqedonase, rreth 150 pacientë kanë kërkuar ndihmë mjekësore, nga të cilët 120 kanë shprehur shqetësime të lidhura me ushqimin. Ata janë paraqitur në spital me simptoma si të vjella, dhimbje barku dhe tension të lartë të gjakut.
Mjeku kujdestar, Kujtim Rexhepi, përmes TV21 ka apeluar qytetarët që të jenë të kujdesshëm me regjimin ushqimor, veçanërisht gjatë ditëve të para pas agjërimit.
“Të kenë kujdes me ushqimin, veçanërisht ditët e para,” ka theksuar ai.
