Komisioni anglez i arbitrave ka pranuar se VAR-i gaboi në vendimin për të akorduar golin e Erling Haaland, i cili vendosi derbin e Manchesterit në favor të Cityt.
Fillimisht, Michael Oliver anuloi golin për pozicion jashtë loje të Haaland, por VAR-i konstatoi se norvegjezi ishte në pozicion të rregullt. Problemi, megjithatë, ishte Enzo Fernández, i cili ndodhej jashtë loje dhe tentoi të ndërhynte me kokë në aksion përpara se topi të mbërrinte te Haaland.
Sipas komisionit, VAR-i nuk e vlerësoi siç duhej ndikimin e pozicionimit të Enzos në aksion dhe duhej t’i kishte rekomanduar arbitrit një rishikim në monitor. Organizata ka pranuar se bëhej fjalë për një “gabim gjykimi” dhe ka kontaktuar Manchester United për ta njohur zyrtarisht gabimin.
Michael Carrick kishte reaguar ashpër menjëherë pas ndeshjes. “Nuk e kuptoj si, me gjithë teknologjinë, ekranet dhe njerëzit që ndihmojnë arbitrat, përsëri nuk arrihet të merret vendimi i duhur”, deklaroi trajneri i United.
Goli i Haaland në minutën e 60-të rezultoi vendimtar, pasi Manchester City fitoi 1-0 në “Old Trafford”.
