47-vjeçari shqiptar Artur Hysenaj është dënuar me 10 vjet e 15 ditë burg në Itali, pasi autoritetet i sekuestruan 22 kilogramë kokainë, pesë pistoleta, një silenciator dhe mbi 200 fishekë.
Shqiptari Artur Hysenaj është dënuar me 10 vjet e 15 ditë burg në Itali, pasi gjatë kontrolleve në dy banesa të lidhura me të u gjetën 22 kilogramë kokainë dhe një arsenal armësh.
Sipas hetimeve, sasia e kokainës së sekuestruar përllogaritej të kishte një vlerë në treg prej më shumë se 4 milionë eurosh.
Gjatë kontrolleve, karabinierët gjetën gjithashtu pesë pistoleta, një silenciator dhe mbi 200 fishekë.
Përveç dënimit me burg, 47-vjeçari është gjobitur me më shumë se 66 mijë euro, ndërsa ndaj tij është vendosur edhe ndalimi i përjetshëm për mbajtjen e posteve publike.
Hetimet kishin nisur pas monitorimit të lëvizjeve të Hysenajt nga karabinierët. Sipas raportimeve, 47-vjeçari me origjinë nga Shqipëria ishte i njohur më parë nga forcat e rendit.
Operacioni u zhvillua më 20 prill, kur kontrollet në dy banesat çuan në zbulimin dhe sekuestrimin e drogës, armëve dhe municioneve.
