Kate Cassidy ka ndarë një moment emocional me ndjekësit e saj në TikTok, duke treguar dhimbjen e thellë pas vdekjes së partnerit të saj, Liam Payne, ish-anëtarit të grupit One Direction. Në një video prekëse, 25-vjeçarja u shfaq e shkatërruar ndërsa fliste për rikthimin në shtëpinë e tyre në Angli, ku aty kishin kaluar shumë momente së bashku. Ajo shpjegoi se kishte qëndruar për 45 minuta në makinë para shtëpisë, duke ndjerë mungesën e Liam-it që e priste aty.
Liam Payne, vetëm 31 vjeç, humbi jetën në një incident tragjik në tetor 2024, pas një rënieje nga ballkoni i një hoteli në Buenos Aires. Raportet treguan se në organizmin e tij ishin gjetur alkool dhe kokainë, duke rritur shqetësimet lidhur me shëndetin e tij mendor dhe fiziologjik.
Kate shprehu se rikthimi në shtëpi nuk e ndihmoi të shërohet, përkundrazi, ajo ndjeu një dhimbje akoma më të thellë. Ajo e përshkroi këtë situatë si një hapësirë që dikur e sillte ngushëllim, por tani po i jepte trishtim. “Kam provuar shumë gëzim në jetë, por kurrë nuk kam ndjerë një dhimbje kaq të madhe,” u shpreh Cassidy, duke theksuar se çdo gjë që për të dikur kishte një kuptim, tani ishte një kujtim i hidhur.
Megjithatë, ajo vazhdoi të flasë për dashurinë e saj për Liam-in, duke theksuar se ai nuk ishte thjesht një personazh publik për të, por partneri i saj dhe shoku më i mirë. “Kur një njeri vdes, vdes dy herë — herën e parë fizikisht, herën e dytë kur ndaloni së foluri për të,” tha ajo, duke prekur zemrat e ndjekësve të saj.
Kate ndjeu nevojën të mbante gjallë kujtimin e Liam-it, duke deklaruar se kushdo që do të jetë në jetën e saj në të ardhmen do të duhet ta pranojë se ajo do ta dojë gjithmonë atë. Kjo ngjarje reflektuar dëshminë e saj për dashuri dhe humbje, duke krijuar një lidhje me audiencën e saj.
