Te Torino ka nisur një betejë e fortë për të siguruar portierin francez të Milanit.
Sipas La Gazzetta dello Sport, Juventusi po monitoron nga afër situatën e Mike Maignan, 30 vjeç, dhe është gati të bëjë lëvizjen vendimtare nëse ai nuk rinovon kontratën me Milanin.
Rivaliteti kryesor për “Zonjën e Vjetër” mbetet Chelsea, që prej kohësh kërkon ta sjellë Maignan në “Stamford Bridge”.
Milan, nga ana e tij, po përpiqet me çdo mënyrë ta mbajë portierin dhe tashmë i ka ofruar një kontratë të përmirësuar. Megjithatë, Maignan ende nuk ka dhënë përgjigje.
Në këtë sezon, Maignan ka luajtur 12 ndeshje, ka pësuar 9 gola dhe ka mbajtur 7 herë portën të paprekur. Kontrata e tij aktuale skadon në verën e vitit 2026, ndërsa vlera e tij në treg llogaritet rreth 25 milionë euro (sipas Transfermarkt).
