Senati italian ka miratuar përfundimisht një projektligj të rëndësishëm, i përbërë nga 15 nene, që parashikon dënime më të rënda për personat që kryejnë krime kundër kafshëve.
Ky ligj synon të forcojë mbrojtjen e mirëqenies së kafshëve, duke i njohur ato jo thjesht si qenie të ndjeshme, por si subjekte me vlerë ligjore dhe duke i caktuar shtetit një detyrim për t’i mbrojtur ato.
Ndër risitë kryesore:
– Ndalohet mbajtja e qenve dhe kafshëve të tjera shtëpiake me zinxhir, përveç për arsye të certifikuara shëndetësore ose sigurie.– Ndalimi i luftimeve klandestine me kafshë dhe garave të paligjshme me kuaj.
– Ndalohet shitja e lëkurave dhe gëzofëve të maceve shtëpiake.
– Dënime të rritura për ata që vrasin ose keqtrajtojnë kafshët, me burgim deri në 4 vjet për ata që shkaktojnë vdekjen e një kafshe përmes mizorisë.
– Sekuestrimi dhe konfiskimi i kafshëve të përfshira në krim, me caktimin përfundimtar te shoqatat e autorizuara.– Zgjerimi i përgjegjësisë administrative për kompanitë e përfshira në krime kundër kafshëve, me gjoba të rënda dhe ndalime të aktiviteteve.
