Në një nga zonat më të populluara të Tiranës, në afërsi të zonës së Selitës, është gjetur një ambient i madh që shfrytëzohej nga një grup kriminal si “shtëpi bari”.
Ambienti ndodhej në një nga ish-magazinat shtetërore në katin e dytë, ku brenda saj ishin instaluar llampa dhe pajisje të tjera për kultivimin e bimëve narkotike.
Edhe pse ndodhej në mes të Tiranës, policia për një kohë të gjatë nuk kishte arritur të zbulonte aktivitetin kriminal.
Mësohet se magazina është shtetërore dhe kati i parë është në përdorim të Kadastrës, teksa për katin e dytë ku u gjend lënda narkotike ende nuk dihet kujt i takonte.
Ka qenë ish-deputeti Halit Valteri, i cili ka ardhur për të parë magazinën e katit të parë të Kadastrës.
Kur ka parë katin e dytë të mbushur me drogë, ai ka lajmëruar minsitrin e Brendshëm Ervin Hoxha. Ky i fundit ka lajmëruar më pas drejtorin e Policisë, Ilir Proda. Ende nuk dihet arsyeja pse ish-deputeti Halit Valteri kishte shkuar në këto ambiente.
Dyshohet se magazina përdorej prej një kohe të gjatë për kultivim droge dhe AMP ka dyshime se efektivët e Komisariatit Nr.2 kanë qenë në dijeni
Ndërkohë, pritet që Agjencia e Mbikëqyrjes Policore të hetojë nëse efektivët e Komisariatit Nr.2 kanë qenë apo jo në dijeni të aktivitetit kriminal./ilirianews
