Irani nuk do ta rihapë Ngushticën e Hormuzit derisa të përmbushen kushtet e tij dhe të zbatohen angazhimet e SHBA-së, tha të hënën Kryetari i Parlamentit Mohammad Bagher Ghalibaf, sipas agjencisë gjysmëzyrtare të lajmeve Fars.
Irani duhet të luftojë dhe të negociojë, tha Ghalibaf, duke shtuar se Teherani do të përdorë forcën ushtarake për të sprapsur armiqtë e tij dhe diplomacinë për të konsoliduar fitimet në fushëbetejë kur të vijë koha e duhur.
Një ditë më parë, Teherani tha se u ka përcjellë ndërmjetësve kushtet për rifillimin e negociatave që synojnë t’i japin fund luftës me Shtetet e Bashkuara.
Kushtet përfshijnë përfundimin e luftës në të gjitha frontet, lirimin e aseteve iraniane dhe heqjen e bllokadës detare, tha Rezaee.
Ndërkohë, më herët, Presidenti i SHBA Donald Trump kërcënoi se mund të sulmonte sërish, teksa tha:
“Kam një vendim të madh përpara meje. A dua të hyj dhe ta shkatërroj [regjimin iranian] apo jo? Çdo gjë mund të më ndodhë”.
