Apeli i GJKKO zbut dënimin për Alqi Bllakon lidhur me inceneratorin e Tiranës. Shkalla e dytë e gjyqësorit shpalli të pafajshëm ish sekretarin e përgjithshëm të Ministrisë së Mjedisit për një nga episodet e korrupsionit.
Konkretisht për episodin e marrjes së 7 milionë lekëve rrogë nga Vladimir Bezhani, ndërsa la në fuqi episodin tjetër të korrupsionit në vlerën e 119 mijë eurove që Bllako i ka marrë nga pronarët e inceneratorëve Klodian Zoto dhe Mirel Mërtiri.
Kështu Apeli i Posaçëm zbut dënimin nga 4 vite burg në 3 vite. Përfundimisht me gjykim të shkurtuar Bllako do të vuajë 2 vite burg.
Bllako e ka shlyer pjesën më të madhe të dënimit në burg, ndërsa pjesën e mbetur do ta kryejë me shërbim prove.
