Presidenti i Partisë së Lirisë, Ilir Meta nesër do të jetë përpara prokurorëve të SPAK-ut. Do të merret në pyetje për llogari të hetimeve që po zhvillohen ndaj tij. Ai do të pyetet në cilësinë e personit nën hetim. Paraqitja në SPAK do të bëhet në orën 10:00.
Kryetari i Partisë së Lirisë në Shqipëri, Ilir Meta u arrestua në 21 Tetor të vitit të kaluar me urdhër të Prokurorisë së Posaçme kundër Korrupsionit (SPAK) nën dyshimet për “korrupsion, pastrim parash, mosdeklarim dhe fshehje të pasurisë”. Sot ishte Monika Kryemadhi dhe nëna e saj që u paraqitën në SPAK.
