Ish-sulmuesi irlandez Robbie Keane është në kërkim të një rikthimi të rëndësishëm në Wolverhampton Wanderers, por këtë herë në rolin e trajnerit. Kjo ndodhi pas shkarkimit të Vitor Pereira-s, i cili u largua pas një fillimi katastrofik të sezonit, ku Wolves nuk arriti të fitojë asnjë ndeshje në dhjetë përballjet e para të Premier League, duke grumbulluar vetëm dy pikë dhe zënë vendin e fundit në tabelë.
Keane, 45 vjeç, ka një histori të fortë me Wolverhampton, ku nisi karrierën e tij profesionale, duke shënuar 27 gola në 85 paraqitje për klubin. Pas një kariere të suksesshme si lojtar, ai ka ndjekur një rrugë të ngjashme si trajner, duke përfshirë pozita si trajner-lojtar te ATK në Indi, asistent i kombëtares irlandeze, trajner i Maccabi Tel Aviv, me të cilin fitoi kampionatin izraelit dhe Toto Cup, dhe kohët e fundit duke udhëhequr Ferencvaros në Hungari drejt titullit.
Sipas burimeve, Gary O’Neil, ish-trajneri i Wolves, i shkarkuar disa muaj më parë, është gjithashtu një kandidat për rikthim. Bisedimet mes tij dhe drejtuesve të klubit po ecin në mënyrë pozitive, duke e bërë atë një favorit të mundshëm. Megjithatë, humbja 3-0 ndaj Fulham ka thelluar krizën për Wolves, dhe bordi i klubit është në kërkim të një figure që mund të shpëtojë sezonin.
Edhe Rob Edwards, aktualisht trajner i Middlesbrough, është në listën e mundshme të kandidatëve, por një lëvizje për të do të kërkonte një kompensim financiar. Një rikthim i Keane-n te Wolves do të ishte një moment simbolik dhe do të përmbyllte një cikël të rëndësishëm në karrierën e tij. Çfarëdo vendimi që do të merret, është e qartë se Wolves kanë nevojë urgjente për ndihmë dhe Keane duket i gatshëm ta ofrojë atë.
