Rrustem Hasaj, babai i Arjon Hasaj, që vrau në 4 janar33-vjeçarin Ramazan Mata në fshatin Dragoç të Shkodërs, ka kërkuar falje për ngjarjen në emër të të birit.
Rrustemi kërkoi që drejtësia të vazhdojë hetimin dhe djali i tij të marrë dënimin e merituar. Ai u shpreh se nuk kishte asnjë informacionin për konfliktin mes djalit dhe viktimës.
“Jam i mbaruar nga ky gjest. I kërkoj ndjesë familjes së tij. Ta dinte baba, në këtë gjendje sdo shkonte. Unë kam qenë në Tiranë, e mora vesh më vonë, s’kam pasur asnjë info kanë apo jo armë. I kërkoj falje fisit, të atit të tij. Kemi pasur shoqëri. Unë vetë nuk kam qenë në dijeni, s’do ta lejoja të ndodhte. Ai që e ka bërë, marrtë dënimin e merituar. S’kam fytyrë t’i çoj njeri te shtëpia, nuk kam shkuar. I kërkoj ndjesë Fatmir Matës, më ka marrë në qafë me katër fëmijë”, tha ai për emisionin “Top Story” në Top Channel.
Rrustem Hasaj pohoi se ishte në dijeni të faktit se viktima kishte ngacmuar vajzat e tij.
“Djali ka deklaruar se është prishur me burrin e parë nga ky person, me burrin e dytë po ashtu. Unë e kam lënë në heshtje, jam në dijeni që e ka ngacmuar”, u shpreh Hasaj.
Mes frikës për hakmarrje, ai kërkoi të largohet së bashku me familjen.
