Një shqiptar i shpallur në kërkim ndërkombëtar nga Italia si pjesë e një organizate kriminale të trafikut të drogës, është arrestuar në Kroaci falë bashkëpunimit mes policive të dy vendeve.
Mediat italiane raportojnë se shqiptari i arrestuar është me inicialet T.A., ndaj të cilit ka masë sigurie arrest në burg.
Arrestimi i tij në Kroaci është bërë para pak ditësh, ndërsa lajmi është bërë publik gjatë orëve të fundit.
Shqiptari ka qenë pjesë e një organizate droge të përbërë nga italianë, shqiptarë dhe maqedonas që trafikonin sasi të mëdha kokaine.
Hetimi për goditjen e kësaj organizate zgjati 2 vjet dhe u krye nga autoritetet e L’Aquila nën koordinim me Antimafian Italiane.
Autoritetet italiane lëshuan 42 masa sigurie në total.
