Aktorin Kevin Spacey ka përjetuar vështirësi financiare si pasojë e akuzave për sulm seksual, duke e lënë atë pa një shtëpi të përhershme. Në një intervistë për The Telegraph, ai zbuloi se aktualisht jeton në hotele dhe Airbnb, duke shkuar aty ku ka punë. Spacey përshkroi situatën e tij financiare si “jo të shkëlqyer”, duke theksuar se kostot gjatë shtatë viteve të fundit kanë qenë astronomike, paralelisht me një numër të ulët të të ardhurave.
Akuzat fillestare për ngacmim seksual erdhen nga aktori Anthony Rapp në vitin 2017, i cili tha se Spacey e kishte ngacmuar gjatë një feste në vitet 1980. Pas kësaj, u paraqitën edhe akuza të tjera, megjithatë asnjëra nuk u vërtetua në gjykatë. Një gjykatë civile zbulojse se Spacey nuk e kishte sulmuar Rapp dhe në vitin 2023, ai u shpall i pafajshëm për një sërë akuzash për vepra penale seksuale ndaj katër burrave në Londër.
Megjithatë, impakti i akuzave e largoi atë nga seria e njohur “House of Cards” në Netflix, ku ai pati një rol të rëndësishëm. Ai u urdhërua gjithashtu të paguante mbi 30 milionë dollarë për humbjet që shkaktoi largimi i tij. Në një intervistë me Piers Morgan në vitin 2024, Spacey zbuloi se shtëpia e tij në Baltimore ishte sekuestruar për shkak të problemeve financiare, dhe përmendi borxhe që arrinin miliona dollarë.
Pavarësisht pengesave, Spacey shpreh optimizëm ndaj mundësive për t’u kthyer në Hollywood. Ai beson se një regjisor i njohur, si Martin Scorsese ose Quentin Tarantino, do ta mirëpriste përsëri. “Do të jem jashtëzakonisht i nderuar dhe i kënaqur kur ai nivel talenti të përgjigjet në telefon,” tha ai.
Ndërkohë, Spacey ka vazhduar të punojë në projekte artistike, duke përfshirë një shfaqje në Qipro dhe Tel Aviv, si dhe dy filma, “The Man Who Drew God” dhe “Peter Five Eight” që priten të publikohen në vitin 2024. Këto aktivitete tregojnë se, përkundër sfidave, ai mbetet aktiv në industrinë e filmit.
