Anëtari i Kryesisë së PD-së, Belind Këlliçi ka reaguar pas vendimit të dhënë nga Gjykata e Posaçme e Apelit. Me anë të një postimi në rrjetet sociale Këlliçi shkruan se farsa ra. Ai shton se më në fund është liruar kryetari i PD-së dhe lideri i opozitës.
“Farsa ra! Më në fund lirohet Kryetari i PD dhe Lideri i Opozitës, Prof. Dr. Sali Berisha”, shkruan Këlliçi.
Gjykata e Posaçme ka dhënë ditën e sotme vendimin për revokimin e masës së sigurisë “arrest shtëpie” për Berishën. Ky vendim u mor nga gjyqtarja Flojera Davidhi.
Avokati i kreut të PD-së, Genc Gjokutaj deklaroi se ndaj Berishës nuk është caktuar asnjë masë tjetër sigurie. Ai shtoi se Prokuroria kërkoi që Berisha të qëndronte në “arrest shtëpie”.
