Manchester City siguroi kualifikimin në finalen e FA Cup pas një fitoreje dramatike 2-1 ndaj Southampton, duke mbajtur gjallë ëndrrën për tripletën këtë sezon.
Skuadra e Pep Guardiola u gjend në disavantazh në minutat e fundit, kur Azaz kaloi Southampton në avantazh me një supergol. Megjithatë, reagimi i City ishte i menjëhershëm: fillimisht Doku barazoi rezultatin, ndërsa më pas Nico Gonzalez shënoi golin e fitores, duke përmbysur gjithçka brenda pak minutash.
City dominoi ndeshjen me posedim dhe raste, por vuajti për të gjetur golin deri në momentet vendimtare. Kjo fitore i çon “Citizens” në finalen e katërt radhazi të FA Cup dhe i mban në garë për një sezon historik.
Ekipi i Guardiolës ka fituar tashmë Carabao Cup dhe tani synon të shtojë edhe FA Cup, ndërsa mbetet në lojë për të kompletuar tripletën.
Nga ana tjetër, Southampton, që po lufton për ngjitjen në Premier League, bëri një paraqitje shumë të mirë, por nuk arriti ta mbajë avantazhin dhe u eliminua në fund.
