Atlético Madrid ka përjetuar një mbrëmje shumë emocionuese në Metropolitano, ku Antoine Griezmann luajti ndeshjen e tij të fundit në shtëpi përpara tifozëve.
Pas përfundimit të sfidës ndaj Girona, klubi organizoi një ceremoni lamtumire për sulmuesin francez. Stafi teknik i drejtuar nga Diego Simeone dhe të gjithë lojtarët e Atlético formuan një korridor nderi për Griezmann, ndërsa tifozët në stadium brohoritën emrin e tij.
Një nga momentet më të veçanta ishte dhurata simbolike e dorëzuar nga kapitenët Koke, Jan Oblak dhe José María Giménez, në emër të gjithë skuadrës. Ky gjest tregoi respektin e madh për trashëgiminë që Griezmann lë pas te Atlético Madrid.
Francezi largohet si një nga figurat më të rëndësishme në historinë e klubit, me mbi 180 gola të shënuar me fanellën e Los Colchoneros.
Edhe ndeshja u mbyll në mënyrë të veçantë për të. Atlético fitoi 1-0 ndaj Girona, ndërsa Griezmann dha asistin e golit vendimtar, duke e mbyllur ndeshjen e fundit në Metropolitano me një tjetër kontribut për skuadrën.
