Shtetet e Bashkuara dhe Kina po përshpejtojnë zhvillimin e teknologjive ushtarake për luftën në hapësirë, ndërsa satelitët po shndërrohen në një element të rëndësishëm të konkurrencës mes dy fuqive.
Sipas një analize të Reuters, të dyja vendet po zhvillojnë të ashtuquajturit “hunter satellites”, satelitë që mund të afrohen me mjete të tjera në orbitë, t’i vëzhgojnë, pengojnë ose potencialisht t’i nxjerrin jashtë funksionit.
Përveç satelitëve, po zhvillohen edhe sisteme për bllokimin e komunikimeve, lazerë dhe teknologji të tjera që mund të përdoren në një konflikt orbital. Ekspertët paralajmërojnë se një përplasje në hapësirë mund të dëmtonte komunikimet, navigimin dhe sistemet satelitore nga të cilat varen ekonomitë moderne.
