Klubi madrilen ka konfirmuar zyrtarisht se kapiteni spanjoll do të largohet në fund të këtij sezoni, duke mbyllur një kapitull historik me fanellën e “Los Blancos”.
Në deklaratën zyrtare, Real Madrid falënderoi mbrojtësin për kontributin e tij të jashtëzakonshëm, duke e cilësuar si një nga legjendat më të mëdha në historinë e klubit dhe futbollit botëror.
Dani Carvajal iu bashkua akademisë së Real Madridit në vitin 2002 dhe kaloi plot 23 sezone me klubin — 10 me ekipet e moshave dhe 13 me ekipin e parë.
Gjatë kësaj periudhe të artë, ai fitoi 27 trofe: gjashtë Liga të Kampionëve, gjashtë Kupa Bote për Klube, pesë Superkupa të UEFA-s, katër tituj të La Ligës, dy Copa del Rey dhe katër Superkupa të Spanjës. Në total, ai zhvilloi 450 ndeshje dhe realizoi 14 gola me fanellën madrilene.
