Fituesi i zgjedhjeve parlamentare gjermane, Friedrich Merz, ka deklaruar se Gjermania do të ndajë 3 miliardë euro shtesë ndihmë për Ukrainën.
Merz bëri të ditur se do të zhvillojë bisedime me kancelarin në largim, Olaf Scholz, për të zgjidhur çështjen e ndihmës shtesë ushtarake për Ukrainën. Ai theksoi se kjo ndihmë do të kapë vlerën mbi 3 miliardë euro.
“Ne supozojmë se fondet do të lëshohen së shpejti”, tha ai.
Këto fonde ishin planifikuar që vitin e kaluar, por u ngrinë nga kancelari aktual, Olaf Scholz.
Ndërkohë, dy partitë kryesore gjermane, Unioni Kristian Demokrat, CDU, dhe Socialdemokratët, SPD, po negociojnë për formimin e qeverisë së re. Ditën e sotme ata njoftuan synimin për të bërë investime me vlerë prej miliarda eurosh për të forcuar kapacitetet mbrojtëse dhe ekonomike të Gjermanisë.
